sru:version: 1.2; sru:query: fcs.rf="mecmua.2_35"; fcs:x-context: mecmua; fcs:x-dataview: title,full; sru:startRecord: 1; sru:maximumRecords: 10; sru:query: fcs.rf="mecmua.2_35"; sru:baseUrl: ; fcs:returnedRecords: 1; fcs:duration: PT0.025S PT0.033S; fcs:transformedQuery: /descendant-or-self::fcs:resourceFragment[ft:query(@resourcefragment-pid,<query><phrase>mecmua.2_35</phrase></query>)];

ġazel‑i Naẓmī

mużāriʿ: mefʿūlü ‑ fāʿilātü ‑ mefāʿīlü ‑ fāʿilün

Yāruñ dilā ḫadeng‑i maḥabbet nişānına
ʿĀşıqdan özgenüñ hedef olmaq ne şānına

Lāyıq‑mıdur ki ḥüsn ü leṭāfetde dil‑berüñ
Gül ruḫlarına öyküne ġonce dehānına

Zülfüñ lebüñe ikide bir ḥāyil olduġı
ʿĀşıqlaruñ belā‑durur ey dost cānına

Āl‑ile ṭonanuban bizi öldürme āl‑ile
Göz göre ʿāşıquñ güzelüm girme qanına

Naẓmīnüñ oldı naẓmı ṣafā‑baḫş dil‑berüñ
Meddāḥ olalı laʿl‑i leb‑i dür‑fesānına [!]

ġazel‑i Naẓmī

remel: feʿilātün ‑ feʿilātün ‑ feʿilātün ‑ feʿilün
fāʿilātün faʿlün

Görüñ ol Ḫusrev‑i ḥüsni ki ne servercik olur
Ne sözi nāzik ü şīrīn lebi şekkercik olur

Gülşen‑i ḥüsn ü cemāl içre o cānāne dilā
Ne yüzi gül ṣaçı sünbül boyı ʿarʿarcik olur

Görmedüm ancılayın ʿāşıqına cevr ėdici
Āllăh Āllăh ne cefā‑pīşe sitem‑gercik olur

Ḥālüñ ey dost çāpük göñül almaqda dėdüm
Dėdi kim Rūm ėli dil‑berleri heb gercek olur

Naẓmiyā görmedüm anuñ gibi bir ẕāt‑i şerīf
Cānlar erzānī o cānāne ne cevhercik olur

[Naẓmī]

ġazel

mużāriʿ: mefʿūlü ‑ fāʿilātü ‑ mefāʿīlü ‑ fāʿilün

Her dil hevā‑i ʿışqla kim bī‑qarār olur
Nerd‑i belāda döne döne kārı zār olur

Şevq‑i ruḫuñla zār‑i hezār eylesem n’ola
Bülbül ki gül yüzin göre zārī hezār olur

Olur ṣafā‑i ʿişrete gülşende fetḥ‑i bāb
Ol dem ki hevesüm gül ü faṣl‑i bahār olur

Dėrseñ kenār ola o nigāruñ miyānını
Olmaz ḥayāl [!] eyleme ey dil ne var olur

Dil‑berleri dil ehline luṭf‑ile rām ėden
Naẓmī laṭīf‑i şiʿr‑i maḥabbet‑şiʿār olur

ġazel‑i Naẓmī

müctes̱s̱: mefāʿilün ‑ feʿilātün ‑ mefāʿilün ‑ feʿilüñ

faʿlün

Cihānda çeşme‑i cān laʿl‑i āb‑dāruñdur
Nite ki rūḥ‑i revān qadd‑i şīve‑kāruñdur